ИТАЛИ УЛСЫН ЗАМ ТЭЭВЭР, ДЭД БҮТЦИЙН ЯАМНЫ ҮНДЭСНИЙ БОЛОН ОЛОН УЛСЫН АВТО ТЭЭВРИЙН ГАЗРЫН ЗАХИРЛЫГ ХҮЛЭЭН АВЧ УУЛЗАВ

Элчин сайд Ц.Нарантунгалаг Итали Улсын Зам тээвэр, дэд бүтцийн яамны Үндэсний болон олон улсын авто тээврийн газрын захирал Орланди Донателлаг Элчин сайдын яаман дээр 2022 оны 4 дүгээр сарын 27-ны өдөр хүлээн авч уулзав. Уулзалтын үеэр Элчин сайд Ц.Нарантунгалаг Монгол, Италийн эдийн засгийн хамтын ажиллагааг цаашид өргөжүүлэхэд тээвэр, ложистикийн асуудлыг хөнгөвчлөхийн чухлыг онцолж, 2021 оны 6 дугаар сард зохион байгуулагдсан Эдийн засаг, техникийн хамтын ажиллагааны Монгол, Италийн Засгийн газар хоорондын холимог комиссын 3 дугаар хуралдааны үеэр Италийн талтай тээврийн салбарт хамтын ажиллагааг өргөжүүлэхээр тохиролцсон ажлуудыг хэрэгжүүлэх талаар ярилцаж санал солилцов.