Бүгд Найрамдах Итали Улсад байгаа Иргэн та өөрийн эрх, хийхийг хүссэн үйлдэл, тухайлбал өөрийн өмчлөлийн орон сууцаа бусдад худалдах эрхээ шилжүүлэх, банкинд данс нээлгэх үйлдлийг өөрөө бус, Монгол Улсад байгаа өөрийн төлөөлөгчөөр буюу итгэмжлэгдэгчээр дамжуулан эдлэх, эсхүл хийх боломжтой. Монгол Улсын Иргэний хуулийн 62 дугаар зүйлийн 62.3-д заасны дагуу таныг төлөөлөх итгэмжлэгдэгчийн эрх хууль тогтоомжийн дагуу (тухайлбал насанд хүрээгүй хүүхдийг төлөөлөх эцэг, эхийн эрх) болон итгэмжлэлийн үндсэн дээр үүсдэг. Итгэмжлэл гэрчлүүлэхдээ тодорхой эрх, үүргийг шилжүүлсэн итгэмжлэлийг шаардлага хангахуйц байдлаар бичиж, дараахь материалыг бүрдүүлсэн байна.+

Төрийн үйлчилгээг цахимжуулах зорилтын хүрээнд итгэмжлэл олгох төлөөлөгчийн итгэмжлэлийн маягтыг цахим хэлбэрээр урьдчилан ирүүлэх боломжтой. Иргэн Та дараахь холбоосоор орж, бүртгүүлэн итгэмжлэлийн маягтыг бөглөж, иргэний бичиг баримт, итгэмжлэлтэй холбоотой хавсралтыг системд хуулж цахимаар ирүүлнэ үү. E.Notary бүртгүүлэх холбоос

Бүрдүүлэх материал:

1. Монгол Улсын гадаад паспорт, эсхүл иргэний үнэмлэхний хуулбар (хамтран өмчлөгч эрхээ шилжүүлэх бол өмчлөгч бүрийн бичиг баримт)

2. Бүгд Найрамдах Итали Улсад хэрэглэж буй ID card (хамтран өмчлөгч эрхээ шилжүүлэх бол өмчлөгч бүрийн бичиг баримт)

3. 18 нас хүрээгүй хүүхдийн өмнөөс итгэмжлэл гаргах бол хүүхдийн бичиг баримтын хуулбар

4. Орон сууц, үл хөдлөх хөрөнгөтэй холбоотой итгэмжлэл гэрчлүүлэх бол үл хөдлөх хөрөнгийн улсын бүртгэлийн гэрчилгээний хуулбар

5. Үйлчилгээний хураамж төлсөн баримт /банкаар тушаасан байна/

Дээрх материалыг бүрдүүлж, өөрийн биеэр авчрах
Нэмэлт шаардлага, тайлбар:

      - Итгэмжлэлийг латин үсгээр бичихгүй байх, 

      - Итгэмжлэлийн хүчинтэй байх хугацааг тодорхой бичих бөгөөд 1 сараас 3 хүртэлх жил байж болно

      - Итгэмжлэлд хүлээн авагчийн регистрийн дугаарыг бичсэн байна

      - Итгэмжлэгч өөрийн холбоо барих утасны дугаарыг бичсэн байна

      - Таны итгэмжлэл ажлын 3 өдрийн дотор Гадаад харилцааны яамны Консулын газарт хүргэгдэнэ

     - Итгэмжлэгдэгч Гадаад харилцааны яамны Консулын газарт иргэний бичиг баримттайгаа өөрийн биеэр очиж гарын үсэг зурж итгэмжлэлээ авна

Үйлчилгээний төлбөр, банкаар тушаасан байна

Дараахь холбоосоор орж, загвар маягтын дагуу итгэмжлэлээ бичнэ үү: